Skip to main content

தார்கோவஸ்கியை பற்றி பெர்க்மன் தமிழில்: ராம் முரளி


தார்கோவஸ்கியின் முதல் திரைப்படத்தைப் பற்றிய எனது கண்டுப்பிடிப்பு ஒரு அற்புதமான நிகழ்வை ஒத்தது. அப்போது, நான் ஒரு கதவின் முன்னால் நிற்பதைப் போல உணர்ந்தேன். ஒருபோதும் எனக்கு சாவி கிடைத்திராத ஒரு அறை கதவின் முன்னால் நின்றிருப்பதாக உணர்ந்தேன். நான் எப்போதுமே நுழைய விரும்பிய அறை அது. தார்கோவஸ்கி அதனுள் வெகு லாவகமாகமும், சுதந்திரமாகவும் அந்த அறையினுள் உலவிக்கொண்டிருந்தார்.

பெரும் நம்பிக்கையையும், கிளர்ச்சியையும் தார்கோவஸ்கியின் திரைப்படம் எனக்களித்தது. நான் எப்போதும் செய்ய விரும்பிய, ஆனால் அதனை செயல்படுத்தும் முறையை அறியாதிருந்த ஒன்றை தார்கோவஸ்கி தனது திரைப்படத்தில் வெளிப்படுத்தியிருந்தார்.
தார்கோவஸ்கி என்னளவில், வாழ்வை கனவுப்போலவும், வாழ்வை பிரதிபிம்பமாகவும் பதிவு செய்து திரைப்படக் கலைக்கு அதிக நேர்மையாக பங்காற்றி திரைப்படத்திற்கென்று புது மொழியை உருவாக்கிய மிகச்சிறந்த இயக்குனர் ஆவார்.


பெர்க்மேன் ஒரு சிக்கலுக்கு தீர்வு காண்கிறார்
உடனடியாக எனக்கு ஒரு தீர்வு கிடைத்தது. டிராக்கிங் ஷாட். நடிகர்களை சுற்றி கேமராவை நகர்த்திச் செல்வது. தார்கோவஸ்கி எல்லா காட்சிகளிலும் கேமராவை நகர்த்திச் செல்கிறார். அவரது கேமரா எல்லா திசைகளிலும் பறக்கிறது. இது ஏற்றக்கொள்ள முடியாத உத்தி என்றே கருதுகிறேன். ஆனாலும், இந்த உத்திதான் என்னுடைய சந்தேகத்தை தீர்த்து வைத்தது. காலம் நகர்ந்துக்கொண்டே இருக்கிறது.
(தன்னுடைய “மேஜிக் லேட்டர்ன்” புத்தகத்தில்)

திரைப்படக்கலையைப் பற்றி பெர்க்மேன்
சினிமாவென்பது ஆவணம் அல்லாததால், அது ஒரு கனவென்று பொருள்கொள்ளப்படுகிறது. அதனால்தான் தார்கோவஸ்கி மிகச்சிறந்த இயக்குனராக கருதப்படுகிறார். கனவுகள் குவிந்திருக்கும் அறையினுள் தார்கோவஸ்கி மிக இயல்பாக உலவுகிறார். அவர் எதையும் விளக்குவதில்லை. ஏன் அவர் விளக்கிக்கொண்டிருக்க வேண்டும்? அவர் ஒரு பார்வையாளர். ஊடகத்தின் மூலமாக, தனது விருப்பத்தை தார்கோவஸ்கி அரங்கேற்றுகிறார். தார்கோவஸ்கி மிக எளிதாக நுழைந்து உலவும் அறைக் கதவின்மீது நான் என் வாழ்நாள் முழுவதும் முட்டி மோதிக்கொண்டிருக்கிறேன். மிகச்சில தருணங்களில் மட்டுமே அந்த அறையினுள் ஊர்ந்து சென்றிருக்கிறேன். சுய பிரக்ஞையுடன் நான் மேற்கொண்ட அத்தனை முயற்ச்சிகளும் இறுதியில் அனுதாபத்திற்குரிய வகையில்தான் முடிந்திருக்கின்றன.

ஃபெலினி, குரோசாவா, புனுவல் ஆகியோர் தார்கோவஸ்கி பயணித்த பாதையை சேர்ந்தவர்களே. அந்தோணியோனியும் இவர்கள் பாதையை நோக்கி சென்றவர்தான் என்றாலும், சுய உளைச்சலின் காரணமாக விரைவாகவே அவர் இறந்துவிட்டார். மெல்லிஸ் எப்போதும் அவர்களின் பாதையில் இருப்பவர்தான் என்பதில் துளி சந்தேகமும் இல்லை. மெல்லிஸ் தொழிற்முறையில் ஒரு மாயாஜால நிபுணர் ஆவார்.

(தன்னுடைய “மேஜிக் லேட்டர்ன்” புத்தகத்தில்)

Popular posts from this blog

காட்ஃபாதர் பேசுகிறார்...! பிரான்சிஸ் ஃபோர்ட் கப்பாலோ நேர்காணல் தமிழில்: ராம் முரளி

காட்ஃபாதர் திரைப்படத்தினை இதுவரையிலும் பத்துக்கும் மேற்பட்ட முறையாவது பார்த்திருப்பேன். ஒருபோதும் அப்படம் எனக்கு துளி சலிப்பையும் ஏற்படுத்தியதில்லை. வசீகரமான மாய கனவொன்றில் நுழைந்து சிறிது நேரம் உலாத்திவிட்டு மனமொப்பாது மீண்டும் இயல்புக்கு திரும்பும் உணர்வே ஒவ்வொருமுறை காட்ஃபாதரை பார்த்து முடிக்கும்போதும் எனக்கு ஏற்பட்டிருக்கிறது. “ஒரு திரைப்படம் முடிவடைகின்றபோது, அதன் மைய கதாப்பாத்திரத்திடமிருந்து விடைபெறுதல் என்பது மிகவும் துன்பகரமானது” என்ற புகழ்பெற்ற இயக்குனர் ஒருவரின் மேற்கோள் காட்ஃபாதர் திரைப்படத்துக்கு மிக கச்சிதமாக பொருந்தும். காட்ஃபாதராக திரையில் நடமாடிய மர்லன் பிராண்டோவின் சிறுசிறு அசைவுகளும் என்னை பெரிதும் வசீகரித்திருக்கிறது. மிகப்பெரிய மாஃபியா கும்பலொன்றின் தலைவனாக அறிமுகமாகி, தன் குடும்பத்தின் மீதான அன்பினால் இறுதியில் தனது கட்டுறுதி குலைந்து சிறுபிள்ளைப்போல அழுகின்ற பிராண்டோவின் முகம் இப்போதும் நினைவில் தங்கியுள்ளது. அல் பாசினோ – ராபர்ட் டி நிரோ என்ற மிகச்சிறந்த இரு நடிகர்களை அடையாளம் காட்டிய காட்ஃபாதர் திரைப்படம் உலகின் மிக முக்கியமான பல இயக்குனர்களையும் அதிக தாக்கத்து…

மெல்வில் எனது கடவுள் - ஜான் வூ தமிழில்: ராம் முரளி

குப்ரிக்கின் திரைக்கலை! – ஸ்காட் பெக்ஸ் தமிழில்: ராம் முரளி

1999ல் ஸ்டான்லி குப்ரிக் மரணத்தை தழுவி விட்டபின்பும், இதுவரையிலும் இருபது படங்களிலாவது அவருடைய பெயர் டைட்டில் கார்டில் தொடர்ந்து விழுந்துக்கொண்டுதான் இருக்கின்றது. உலகின் எண்ணற்ற இயக்குனர்கள் தங்களின் திரைப்படங்களின் மூலமாக தொடர்ந்து அவருக்கு நன்றி செலுத்திக்கொண்டும், அவரைப்பற்றிய படங்களை இயக்கிக்கொண்டும் இருக்கிறார்கள். அவரது திரைபாணி ஏற்படுத்திய வீரியமிக்க தாக்கத்தால், பல இளைஞர்கள் அவரது புகழை உலகம் முழுவதும் இன்றும் பரப்பி வருகிறார்கள். அவருடைய இறுகலான குறும்புத்தனம் நம்மை ஆடம்பர உணவகங்களுக்கும், சண்டைகளற்ற போர் அறைகளுக்கும், வான் வெளிக்கும் அழைத்து சென்று பரவசமடையவும், பதைபதைத்து நடுங்கவும் செய்திருக்கின்றது.

சினிமா சார்ந்த உரையாடல்களில் தவிர்க்கவியலாத, என்றென்றும் நிலைத்திருக்கும் புகழை அடைந்திருக்கிறது அவருடைய பெயர். பாரம்பரியமிக்க வணிக சினிமாவிலிருந்து முற்றாக விலகி அதிகம் சர்ச்சைக்குரிய சவாலான களங்களை மிகுந்த மேதமையுடன் கையாண்டு வரலாற்றில் என்றென்றும் நிலைத்திருக்கும் அழியா புகழை அடைந்திருக்கிறார் ஸ்டான்லி குப்ரிக்.

எல்லாவற்றையும் உற்று நோக்குங்கள…