Skip to main content

சர்வாதிகாரத்துக்கு எதிராக.....!



பிரட்டனில் 1600 களில் நடைபெற்ற கலகங்களையும், புரட்சியார்களின் ஆட்சி கவிழ்ப்பு நடவடிக்கைகளையும் பின்னணியாகக் கொண்டு விரியும் திரைப்படம் " V for Vendetta ". அதே போன்ற ஒரு கிளர்ச்சியும், எழுச்சியும் மீண்டும் பிரிட்டன் மண்ணில் தோன்றி அந்த தேசத்து மக்களை சர்வாதிகார பிடியிலிருந்து விடுவிக்க வேண்டும் என்பதை இப்படம் வலியுறுத்துகிறது. கதை நிகழும் காலமோ 2030. அப்போது உலகத்தில் எல்லா நாடுகளும் ஏதேனும் ஒரு யுத்தத்தில் மூழ்கி திளைத்துக்கொண்டிருக்கிறன. அனைத்து நாடுகளிலும் குழப்பமும், அமைதியின்மையும் சூழ்ந்திருக்க, பிரிட்டிஷ் மக்கள் மட்டும் சர்வாதிகார ஆட்சியின் கீழ் அடிபணிந்து பயத்துடனே வாழ்ந்துகொண்டிருக்கிறார்கள். அதற்கு காரணம் சில ஆண்டுகளுக்கு முன்பு அங்கு பரவிய ஒருவிதமான வைரஸ் நோய். கிட்டத்தட்ட 80,000 மக்களை பலிகொண்ட கோர சம்பவம் அது. அந்த பாதிப்புகளிலிருந்து முழுமையாக மீண்டு வர முடியாத பிரிட்டிஷ் மக்கள், தங்களை அடிமைகளாக வாழ பழக்கப்படுத்திக் கொள்கின்றனர். இந்த சந்தர்பத்தில்தான் முகமூடி அணிந்த மர்ம மனிதன் ஒருவன் அவர்கள் முன் தோன்றுகிறான். அவன் அவர்களை போராட தூண்டுகிறான். பயம்தான் அனைத்திற்கும் காரணம், அதனை கலைந்து எறியுங்கள், அப்போது விடுதலை தழைக்கும் என்று வீர முழக்கமிடுகிறான். குறிவைத்து சில அரசாங்க அதிகாரிகளை கொலை செய்கிறான். அவனுக்கு துணையாக எவி எனும் பெண்ணும் இணைந்துக்கொள்கிறாள். அந்த வருடத்தின் நவம்பர் 5ஆம் தேதி பாராளுமன்ற கட்டிடத்தை தகர்க்க முகமூடி மனிதன் திட்டமிடுகிறான். யார் அந்த முகமூடி மனிதன் என்பதும், பாராளுமன்ற கட்டிடத்தை அவன் தகர்த்தானா இல்லையா என்பதும் படத்தின் உச்சகட்டம். ஆக்சன் வகையை சேர்ந்த கமர்ஷியல் திரைப்படம்தான் என்றாலும் இப்படம் எனக்கு மிகவும் பிடித்துவிட்டது.



ஆலன் மூர் என்பவர் எழுதிய கிராபிக்ஸ் நாவலை அடிப்படையாகக் கொண்டு ஜேம்ஸ் மெக்தெய்கு என்பவர் இப்படத்தை இயக்கியுள்ளார். உள்நாட்டு தேர்தலில் வென்று ஆட்சி தொட்டிலில் அமர இப்படியெல்லாம் மனித உயிர்களோடு விளையாடுவார்களா என்று மனம் பதைபதைக்கும்படியாக பல திடீர் திருப்பங்கள் திரைக்கதையில் சுழலுகின்றன. ஒரு சிறு காட்சியையோ, வசனத்தையோ தவற விட்டுவிட்டால் மொத்தம் படத்தின் கதையும் புரியாமல் குழப்பமாகிவிடும்படியாக அடுத்தடுத்த காட்சிகள் ஒன்றோடொன்று பின்னிப்பிணைந்து திரைக்கதைக்கு வலு சேர்க்கின்றது. படத்தில் எனக்கு மிகவும் பிடித்தமான காட்சி, மருத்துவராக பணியாற்றும் பெண் ஒருவரை முகமூடி மனிதன் கொலை செய்யும் காட்சிதான். அந்த காட்சியில் மருத்துவ பெண் உறங்கும் அறை சுவரில் முகமூடி மனிதன் சாய்ந்து நிற்கிறான். அப்போது அவனை கண்டுவிட்ட அவள் " நீ என்ன கொல்ல போறியா " என்று பயத்துடன் வினவுகிறாள். அதற்கு அவன், " இல்ல, பத்து நிமிஷம் முன்னாடியே உன்ன கொல்ல ஆரம்பிச்சிட்டேன் " என்று உயிரை பறிக்கும் விஷ ஊசியை உயர்த்தி காண்பிக்கிறான். உடனே அவள் " என்ன பண்ணிச்சிரு " என்கிறாள். " எப்போ நீ மன்னிப்பு கேட்டுடியோ அப்பவே, உன்ன மன்னிச்சாச்சு " அடுத்த நொடியில் அவள் உயிரிழக்கிறாள். அதேபோல எவியை அடையாளம் தெரியாத மனிதன் ஒருவன் கடத்தி சிறையில் வைத்திருக்கும்போது, அந்த அறையில் இருக்கும் ஒரு எலி பொந்தில் அவளுக்கு ஒரு கடிதம் கிடைக்கிறது. அந்த கடிதம் முன்பு அதே அறையில் லெஸ்பியன் எனும் காரணத்திற்காக அடைக்கப்பட்ட பெண் ஒருத்தி அவளுடைய ரத்தத்தால் எழுதியது. அந்த கடிதத்திலிருந்து எவி வலிகளையும், வேதனைகளையும் உணர்கிறாள். வாழ்வின் அவல சுவை அவளை கவ்வி இழுத்துக்கொள்கிறது. இனி உலகில் எதுவும் இல்லை என்று அவள் உணரும்போது மீண்டும் அந்த முகமூடி மனிதன் அவள் முன்னால் தோன்றுகிறான். அவளை இத்தனை நாட்கள் அடைத்து வைத்திருந்தது தான்தான் என்றும், வாழ்வை அவளுக்கு புகட்டவே தான் இப்படி செய்ததாகவும் விளக்குகிறான். பயம் எனும் மாய சிருஷ்டியை கல்லால் அடித்து விரட்டும் அற்புதமான காட்சியிது. 

விடுதலை விரும்பிகளுக்கும், சாகச பிரியர்களுக்கும் இப்படம் கூட்டாக பந்தி விரிக்கிறது. ஒரு போராட்ட வகையை சேர்ந்த படம் என்பதை தாண்டி V for Vendetta வில் காதலும், துரோகமும், குரூரமும், சோகமும் கொட்டி கிடக்கிறது. கடந்த 2005 ல் வெளியான இப்படம் வெளியிடப்பட்ட எல்லா நாடுகளிலும் வசூலை வாரிக் குவித்தது. எவியாக நடித்திருப்பவர் நடாலி போர்ட்மேன். இவர் பிளாக் ஸ்வான் எனும் திரில்லர் படத்தில் சிறப்பாக நடித்ததற்காக ஆஸ்கார் உள்ளிட்ட பல சர்வதேச விருதுகளை அள்ளி குவித்தவர். வாய்ப்பு கிடைக்கும் நண்பர்கள் அவசியம் பார்க்கவும். 

Popular posts from this blog

காட்ஃபாதர் பேசுகிறார்...! பிரான்சிஸ் ஃபோர்ட் கப்பாலோ நேர்காணல் தமிழில்: ராம் முரளி

காட்ஃபாதர் திரைப்படத்தினை இதுவரையிலும் பத்துக்கும் மேற்பட்ட முறையாவது பார்த்திருப்பேன். ஒருபோதும் அப்படம் எனக்கு துளி சலிப்பையும் ஏற்படுத்தியதில்லை. வசீகரமான மாய கனவொன்றில் நுழைந்து சிறிது நேரம் உலாத்திவிட்டு மனமொப்பாது மீண்டும் இயல்புக்கு திரும்பும் உணர்வே ஒவ்வொருமுறை காட்ஃபாதரை பார்த்து முடிக்கும்போதும் எனக்கு ஏற்பட்டிருக்கிறது. “ஒரு திரைப்படம் முடிவடைகின்றபோது, அதன் மைய கதாப்பாத்திரத்திடமிருந்து விடைபெறுதல் என்பது மிகவும் துன்பகரமானது” என்ற புகழ்பெற்ற இயக்குனர் ஒருவரின் மேற்கோள் காட்ஃபாதர் திரைப்படத்துக்கு மிக கச்சிதமாக பொருந்தும். காட்ஃபாதராக திரையில் நடமாடிய மர்லன் பிராண்டோவின் சிறுசிறு அசைவுகளும் என்னை பெரிதும் வசீகரித்திருக்கிறது. மிகப்பெரிய மாஃபியா கும்பலொன்றின் தலைவனாக அறிமுகமாகி, தன் குடும்பத்தின் மீதான அன்பினால் இறுதியில் தனது கட்டுறுதி குலைந்து சிறுபிள்ளைப்போல அழுகின்ற பிராண்டோவின் முகம் இப்போதும் நினைவில் தங்கியுள்ளது. அல் பாசினோ – ராபர்ட் டி நிரோ என்ற மிகச்சிறந்த இரு நடிகர்களை அடையாளம் காட்டிய காட்ஃபாதர் திரைப்படம் உலகின் மிக முக்கியமான பல இயக்குனர்களையும் அதிக தாக்கத்து…

மெல்வில் எனது கடவுள் - ஜான் வூ தமிழில்: ராம் முரளி

குப்ரிக்கின் திரைக்கலை! – ஸ்காட் பெக்ஸ் தமிழில்: ராம் முரளி

1999ல் ஸ்டான்லி குப்ரிக் மரணத்தை தழுவி விட்டபின்பும், இதுவரையிலும் இருபது படங்களிலாவது அவருடைய பெயர் டைட்டில் கார்டில் தொடர்ந்து விழுந்துக்கொண்டுதான் இருக்கின்றது. உலகின் எண்ணற்ற இயக்குனர்கள் தங்களின் திரைப்படங்களின் மூலமாக தொடர்ந்து அவருக்கு நன்றி செலுத்திக்கொண்டும், அவரைப்பற்றிய படங்களை இயக்கிக்கொண்டும் இருக்கிறார்கள். அவரது திரைபாணி ஏற்படுத்திய வீரியமிக்க தாக்கத்தால், பல இளைஞர்கள் அவரது புகழை உலகம் முழுவதும் இன்றும் பரப்பி வருகிறார்கள். அவருடைய இறுகலான குறும்புத்தனம் நம்மை ஆடம்பர உணவகங்களுக்கும், சண்டைகளற்ற போர் அறைகளுக்கும், வான் வெளிக்கும் அழைத்து சென்று பரவசமடையவும், பதைபதைத்து நடுங்கவும் செய்திருக்கின்றது.

சினிமா சார்ந்த உரையாடல்களில் தவிர்க்கவியலாத, என்றென்றும் நிலைத்திருக்கும் புகழை அடைந்திருக்கிறது அவருடைய பெயர். பாரம்பரியமிக்க வணிக சினிமாவிலிருந்து முற்றாக விலகி அதிகம் சர்ச்சைக்குரிய சவாலான களங்களை மிகுந்த மேதமையுடன் கையாண்டு வரலாற்றில் என்றென்றும் நிலைத்திருக்கும் அழியா புகழை அடைந்திருக்கிறார் ஸ்டான்லி குப்ரிக்.

எல்லாவற்றையும் உற்று நோக்குங்கள…